2025-ci ilin I yarısında Bank Respublikanın müştərilərə verdiyi kreditlərin ümumi həcmi 1,525 milyard manat olub. Xalis kredit portfeli 1,517 milyard manat təşkil edib, biznes, istehlak və daşınmaz əmlak kreditləri üzrə artım qeydə alınıb.

Finss.az – 30 iyun 2025-ci il tarixinə olan nəticələrə görə, Bank Respublikanın müştərilərə verdiyi kreditlərin ümumi həcmi 1 milyard 525 milyon 724 min manat təşkil edib. Bankın rüblük hesabatına görə, bu göstərici 2024-cü ilin sonu ilə müqayisədə 53 milyon 837 min manat və ya 3,7% artım deməkdir.

Kredit portfelinin strukturu:

• Biznes kreditləri: 1 milyard 33 milyon 704 min manat (+20 milyon 343 min manat / 2,0% artım)

• İstehlak kreditləri: 332 milyon 535 min manat (+20 milyon 269 min manat / 6,5% artım)

• Daşınmaz əmlak kreditləri: 159 milyon 484 min manat (+13 milyon 225 min manat / 9,0% artım)

Mümkün zərərlər üçün yaradılmış məqsədli ehtiyat: 8 milyon 538 min manat

Xalis kredit portfeli: 1 milyard 517 milyon 186 min manat (+51 milyon 916 min manat / 3,5% artım)

Xatırladaq ki, 31 dekabr 2024-cü il tarixində bankın ümumi kredit portfeli 1 milyard 471 milyon 887 min manat, xalis kredit portfeli isə 1 milyard 465 milyon 270 min manat təşkil etmişdi.